Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

کربل کہانی – مسلم بن عقیل ع کی پیاس

Print Friendly, PDF & Email

امام حسین (ع) نے جنابِ مسلم۔بن عقیل (ع) کو نیمہء رمضان 60 ہجری کو قیس بن مسہر صیداوی، عمارہ بن عبداللہ سلولی، اور عبدالرحمٰن ازدی کے ہمراہ بطور سفیر کوفہ کی طرف روانہ کیا، اس سے پہلے اھلِ کوفہ کے خطوط کے جواب میں جو خط امام حسین (ع) نے لکھا اس میں جنابِ مسلم کا تذکرہ کچھ یوں کیا :
“اني باعث اليكم اخي و ابن عمي و ثقتي من اهل بيتي “

امام حسین (ع) کے ان الفاظ سے بھی جنابِ مسلم کی قدر و منزلت کا اندازہ لگایا جا سکتا ہے، جنابِ مسلم مذکورہ بالا افراد کے ہمراہ مدینہ پہنچے، روضہء رسول (ص) پر سلام کیا، نماز کی چند رکعتیں پڑھیں، اپنے اعزاواقارب سے الوداع کیا اور قبیلہ قیس کے دو راستہ شناس آدمی اجرت پر ساتھ لئے کہ وہ راستے کی راہنمائی کرتے رہیں۔ اتفاقاً ایسا ہوا کہ یہ لوگ عرب کے ریگستان میں گم ہو گئے اور اُسی ریگستان میں بھٹکنے لگے۔

پانی کا نہ ہونا، ریگستان کی شدید گرمی، اور پیاس کی شدت نے سب کو نڈھال کیا ہوا تھا اور راستہ مل نہیں پا رہا تھا۔ بالاخر ریگستان سے نکلنے کے جو نشان ملے تو اُس وقت تک وہ دونوں راستہ دکھانے والے جو اجرت پر ساتھ گئے تھے، انہوں نے جنابِ مسلم کو ہاتھوں کے اشارے سے راستے کی نشاندہی کی، پھر شدتِ پیاس سے نڈھال ہو کر گر پڑے اور جاں بحق ہو گئے۔ جنابِ مسلم اور انکے ساتھیوں نے ہمت نہ ہاری اور بمشکل خود کو وادیِ خبیت کے ایک مضیق نامی آباد چشمے پر پہنچا پائے۔ وہاں پہنچ کر پانی کی نعمت سے سیر ہوئے اور زندگی کی رمق جو معدوم ہو چلی تھی، بحال ہوئی۔ وہاں قیام فرمایا، اور قیس بن مسہر صیداوی کے ہاتھ امام حسین (ع) کی خدمت میں ایک مکتوب ارسال کیا، جس میں اپنے سفر کے مصائب اور شدتِ پیاس کا تذکرہ کیا۔ امام حسین (ع) نے سفرِ کوفہ جاری رکھنے کا پیغام بھجوایا۔

یہ بھی پڑھئے:   مستقبل کے معمار ’’ طالب علم‘‘ - اختر سردار چودھری

جنابِ مسلم 5 شوال کو کوفہ میں داخل ہوئے۔ سلیمان بن صرد خزاعی کوفہ میں موجود نہ تھے، ورنہ انہی کہ ہاں قیام فرماتے۔ مشہور یہ ہے کہ جنابِ مسلم نے جناب مختارِ ثقفی کے ہاں قیام فرمایا۔ ایک جگہ مروج الذہب میں نقل ہوا ہے کہ مسلم بن عوسجہ کہ ہاں قیام فرمایا۔ ابنِ زیاد کی کوفہ آمد کے بعد جنابِ مسلم خفیہ طور پر ہانی بن عروہ کے ہاں منتقل ہو گئے۔
(سعادت الدارین فی مقتل الحسین، صفحہ 228-234)۔

مندرجہ بالا جنابِ مسلم کی پیاس کے واقعے سے آپکو اندازہ ہوا ہو گا کہ امام حسین (ع) اور انکے انصارین کے ساتھ ساتھ سفیرِ امامِ حسین (ع) کو بھی شدید پیاس کی آزمائش سے گزرنا پڑا۔ شدتِ پیاس کا اندازہ آپ اس بات سے بھی لگا سکتے ہیں کہ دو افراد جو کہ راستہ دکھانے کے لئے اجرت پر ساتھ آئے تھے، وہ پیشہ وار مسافر تھے۔ ان دونوں کو تو سفر کی صعوبتوں کی عادت اور تجربہ ہو گا، وہ بھی اُس پیاس کی تاب نہ لا سکے اور شدتِ پیاس سے ہی جاں بحق ہو گئے۔ یہ تحریر لکھنے کی ضرورت اس لئے پیش آئی کیونکہ عام طور پر جنابِ مسلم کے کوفہ میں پیش آنے والے واقعات ہی پڑھے اور سنے جاتے ہیں، اس لئے اس واقعے کا ذکر کیا جو شاید کئی لوگ نہیں جانتے۔

Views All Time
Views All Time
90
Views Today
Views Today
1

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: