Skip to Content

Qalamkar | قلم کار

جہالت، ظلم اور ناانصافی کے خلاف برسرپیکار

میرا خدا کہاں ہے؟؟

by مارچ 8, 2018 حاشیے
میرا خدا کہاں ہے؟؟
Print Friendly, PDF & Email

میں ایک عورت ہوں
مجھے کوئی حق نہیں
الگ سےسوچنے اور کرنے کا
میں صرف وہ سب کرنے کی مجاز ہوں
جو میرا مجازی خدا چاہے
ایک حقیقی خدا ہے
جس کے حکم کے ہم سب تابع ہیں وہ جو ہماری تقدیر لکھ دے ہم سب اسی کے پابند ہیں
دوسرا مجازی خدا ہے
جس کی مرضی کے بغیر عورت کچھ نہیں کر سکتی
میرا مجازی خدا جو چاہے

میں عورت اسی کی پابند ہوں
وہ ہی میری تقدیر کا مالک ہے
جو وہ چاہے اور کہے وہی ہو گا
مجھے کوئی حق نہیں
نہ الگ سے سوچنے کا
نہ اپنی مرضی ( من مانی) کرنے کا
میں خدا کی بندی ہوں
مجازی خدا کی
میری کیا مجال میں خدا کے آگے دم مار سکوں
یہ احساسات،محسوسات و جذبات
صرف اس لئے ودیع کئے گئے ہیں کہ مجازی خدا کا درد محسوس کر سکوں
یہ حسن،رعنائی،دلکشی ملوکیت،نزاکت
صرف اس لئے عطا کئے گئے ہیں
کہ اس کا دل بہلا سکوں
وہ آسماں میں زمیں
وہ بلندی میں پستی
میری کیا حیثیت؟
کہ میں برابری کا سوچوں
وہ تو خدا ہے( مجازی خدا)
اگر اس کے جذبات کا الاؤ
کسی ایک سے سردنہیں ہوتا تو
دوسری، تیسری، چوتھی سے اسے اعتدال پہ لا سکتا ہے
لیکن میں؟
توبہ استغفار
اس کے علاوہ کسی اور کا خیال
میری کیا مجال

اف خدائے برتر و لم یزل مجھے معاف نہ کرے گا
مجھ پہ قہر ٹوٹے گا
مجازی خدا کےحکم سے سرتابی گناہ ہے
اس نے جو کہہ دیا سو کہہ دیا
جو کر دیا سو کر دیا
تمھیں وہ جس حال میں رکھے
خبردار جو حرف شکایت بھی زباں پر لائی
تمھیں کوئی حق نہیں
فریاد کا
انکار کا

تنہا ہو تو یہ تنہائی تمھاری رفیق ہے
دامن مرادوں سے خالی یے
تو یہ تمھارا مقدر ہے
جو تمھیں ودیعت کیا گیا ہے
تم اس پہ صابر وشاکر رہو
پھر آخرت میں تمھیں اس کا "پھل” ملے گا
ہاں "پھل”

تم اس کی بہتر(72) حوری بیویوں کی سردار ہو گی
ورنہ خدا تمہیں معاف نہ کرے گا
نہ حقیقی خدا نہ مجازی خدا
وہ جو سب کی تقدیر کا مالک ہے
سب کا بنانے والا ہے
یہ دنیا ہو یا وہ دنیا
سب مرد کا
کیا وہ صرف مرد کا خدا ہے؟
اور میرے لئیے مجازی خدا؟
میری تقدیر لکھنے اور پیدا کرنے والا
میرا خدا کہاں ہے؟

Views All Time
Views All Time
169
Views Today
Views Today
2
یہ بھی پڑھئے:   پاکستان میں بڑھتی ہوئی شدت پسندی پر کیسے قابو پایا جائے | تنویر احمد
Previous
Next

Leave a Reply

Your email address will not be published. Required fields are marked *

*

%d bloggers like this: