Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

چاکلیٹی ہیرو وحید مراد کی 34 ویں برسی

Print Friendly, PDF & Email

چاکلیٹی ہیرو وحید مراد کواس جہان فانی سے گذرے آج 34 برس گذرگئے مگران کی لازوال اداکاری اورمسحورکن شخصیت نے مداحوں کو آج بھی اپنےسحرمیں جکڑ رکھا ہے۔ نشیلی آنکھیں، کتابی چہرہ اور مرادنہ وجاہت سے بھرپور شخصیت کے حامل وحید مراد 2اکتوبر انیس سو اڑتیس میں کراچی میں پیدا ہوئے۔ وہ جب پردہ سکرین پر نمودارہوتے تو مداح پلک جھپکنا بھول جاتے،کردار میں ڈوب جانا کسے کہتے ہیں فلمی شائقین کو وحید مراد کی اداکاری دیکھ کر معلوم ہوا۔ جذبات اور رومان کو جس طرح وحید مراد نے پیش کیا ویسا کوئی ہم عصر نہ کر پایا۔ انکی شخصیت اور اداکاری کا جادو سر چڑھ کر بولتا تھا،عروج کے دور میں وحید مراد کو فلم کی کامیابی کی ضمانت سمجھا جاتا تھا۔ فلم ہیرا اور پتھر، دیور بھابھی، ارمان، انسانیت، دوراہا، نیند ہماری خواب تمہارے، انجمن، شبانہ، عندلیب اور کئی دیگر فلمیں بلاک بسٹر ثابت ہوئیں۔برصغیر میں دلیپ کمار کے بعد وہ دوسرے اداکار تھے جو نوجوان نسل میں بےحد مقبول ہوئے۔ وحید کو اس زمانے کی تمام نامور ہیروئینوں کے ساتھ کام کرنے کا منفرد اعزاز بھی حاصل ہے۔1980 میں وحید مراد کا ایکسیڈنٹ ہوا، جس سے ان کا چہرہ شدید زخمی ہوا اور پلاسٹک سرجری کرانی پڑی۔ اس عرصہ کےدوران فلموں میں ہونے والی ناکامی نے وحید مراد کو دلبرداشتہ کر دیا تھا۔ اوریوں فلمی دنیا کا یہ تابندہ ستارہ 23 نومبر انیس سو تراسی میں محض 45 برس کی عمر میں دنیا سے منہ موڑ گیا لیکن اپنی لازوال اداکاری کےباعث مداحوں کے دلوں میں آج بھی زندہ ہے۔

Views All Time
Views All Time
523
Views Today
Views Today
1
یہ بھی پڑھئے:   سلور اسکرین کی دلی مراد

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: