مجھے خواب دیکھنے دو…

Print Friendly, PDF & Email

zari ashrafنجم سیٹھی کی بیٹی کی رسائی باپ کی وجہ سے آسانی سے شوبز تک تھی اس لیے جو اس کی بیٹی کرے وہ حلال باقی سب حرام۔ اعجاز منگی اور نجم سیٹھی کیا جانیں کہ میرے وسیب کی کتنی ہی عورتیں دن بھر شوہر سے پٹ کے رات کو اس کی ہوس پوری کرتی ہیں ۔باپ اور بھائی سے مار کھا کے انہیں کے صدقے واری جاتی ہیں۔بچے پیدا کرنا اور بے تحاشہ خدمت کرنا اسی کام میں اپنی زندگی پوری کر جاتی ہیں۔ اور خواب کیا صرف مریم نواز اور بختاور بھٹو ہی دیکھ سکتی ہیں؟ ہم عام لوگ بھی تو خواب دیکھ سکتے ہیں۔اور قندیل آگر ایک دو سال اور زندہ رہ جاتی تو بڑے بڑے پارسائی کے دعوے دار ننگے ہو جاتےاور سب کو پتا چلتا کہ وہ کس لبادے میں کیا کر رہے ہیں ۔ابھی تو ایک کی اصلیت ہی سامنے آئی ہے۔ اور یہ جو غیرت کے نام پہ قتل کرتے ہیں اپنی پوری زندگی میں یہ غیرت کہیں نظر نہیں آئی۔عورت گاؤں اور شہر میں یکساں محنت کرتی اور گھر بار سنبھالتی نظر آئی ہے۔ تب غیرت کہاں ہوتی ہے جب شوہر روزانہ مارتا ہے ۔باپ اور بھایئوں کا بچا ہوا کھانا کھاتی ہے پھٹے پرانے کپڑے پہنتی ہے۔۔ شرم آنی چاہیے ان لوگوں کو جو قندیل پہ انگلی اٹھاتے ہیں ۔حالانکہ ہم سب کے اندر ایک قندیل موجود ہے جو موقع ملتے ہیں جاگتی ہے۔ میں اس دھرتی کی بیٹی ہوں۔ مجھے خواب دیکھنے اور ان کو پورا کرنے سے کوئی نہیں روک سکتا ۔زندگی پر میرا بھی اتنا ہی حق ہے جتنا میرے بھائی کا۔میں اس وسیب کی باسی ہوں جس کی فصل پوار پاکستان کھاتا ہے تو کیا میں صرف کھیتوں میں کام کرتے کرتے مر جاؤں؟میرا بھائی سکول جائےا ور میں اس کے حصے کا کام کروں اوراس کی واپسی پر اپنے حصے کا کھانا اسے دوں اور خود روکھی روٹی کھاؤں؟اسے رات کو دودھ کا گلاس ملے اور مجھے ٹھنڈا پانی بھی میسر نہ ہو ۔بغاوت ہو گی ایسے نظام سے، ایسے معاشرے سے ۔مجھے پتا ہے اس کا انجام بھی موت ہے اور موت بھی کتے والی۔ پر مجھے قبول ہے کیونکہ مجھے آنے والی بہت سی لڑکیوں کو زندگی کا حق بھی دینا ہے اور تعلیم کا شعور بھی ۔ ذرا ایک لمحے کو سوچئے جب میں پیدا ہوئی تو میری ماں کو اتنا ہی درد ہوا تھا جتنا میرے بھائی کو پیدا کرنے میں۔مجھے بھی اتنی ہی مشکل سے ماں نے پالا تھا جیسے بھائی کو تو پھر یہ کیسے ہو گیا کہ بھائی سکول جائے گا ،آوارہ گردی کرے گا، اچھا کھائے گا، بہترین پہنے گا اور میں سارا دن بھائی باپ اور شوہر کی خدمت کروں گی۔ مجھے بھی جینا ہے اس معاشرے میں۔ سر اٹھا کے جینا ہے۔ میں ان دانشور حضرات کو بھی نہیں مانتی جو شخصی آزادی کے دعوے کرتے ہیں اور اپنے گھروں کی عورتوں کو باندیاں بنا کے رکھتے ہیں۔کیا ساری عزت ساری غیرت میرے ایک دوپٹے میں سمٹ گئی ہے؟ کیا ان کو کوئی پوچھنے والا نہیں جو میرا سر راہ چلنا مشکل کرتے ہیں۔کہیں بازو تو کہیں کہنی مارتے ہیں ۔او ر کوئی بس نہ چلے تو آواز یں لازمی کستے ہیں۔ ہاں مجھے پتا ہے، میں جانتی ہوں اور مانتی ہوں کہ اگر میں مفتی قوی جیسی حرکت کروں گی تو جان سے جاؤں گی کیونکہ میرے وسیب میں غیرت کھلی گرم ہوا کی طرح چل رہی ہے کبھی بھی کہیں بھی کسی کو بھی لگ سکتی ہے ۔مجھے جینا ہے خواب دیکھ کر، ارمان پورے کر کے، اپنے گھر والوں کا مان بن کر، تو میری یہی التجا ہے کہ بس ۔۔مجھے خواب دیکھنے دو۔۔۔

Views All Time
Views All Time
1544
Views Today
Views Today
1
mm

ڈاکٹر زری اشرف

ڈاکٹر زری اشرف ایک ڈاکٹر ہونے کے ساتھ ساتھ سوشل ورکر بھی ہیں۔ اور اس کے علاوہ مطالعہ کی بیحد شوقین۔ قلم کار کے شروع ہونے پر مطالعہ کے ساتھ ساتھ لکھنا بھی شروع کر دیا ہے۔

12 thoughts on “مجھے خواب دیکھنے دو…

  • 29/07/2016 at 3:54 صبح
    Permalink

    ہائے ہائے ہائے ہائے
    آپ نے تو اس سماج کو آئینہ ہی نہیں دکھایا بلکہ اس کا مرثیہ بھی لکھ دیا ،،،

    Reply
    • 29/07/2016 at 7:27 صبح
      Permalink

      دو ہی حل ہیں یا آئینہ دکھائیں
      یا مر جائیں ….
      بہت شکریہ آپکا

      Reply
      • 01/08/2016 at 9:32 صبح
        Permalink

        تیسرا راستہ ہے، اصلاح کا ۔کوئی ادھر کا بھی رخ کرے۔

        Reply
        • 03/08/2016 at 4:57 شام
          Permalink

          اصلاح ان کی کی جا سکتی ہے جو اصلاح پر آمادہ ہوں

          Reply
        • 05/08/2016 at 4:36 شام
          Permalink

          بلکل ہے اصلاح ہونی چاہیے بروقت….پہلے کمائ کھاتے ہین پھر غیرت جاگتی ہے اور مار دیتے ہین

          Reply
  • 29/07/2016 at 3:59 صبح
    Permalink

    بہت جاندار تحریر ہے۔ڈومیسٹک لیبر اور عورت کے پورے کام کو کام ہی خیال نہیں کیا جاتا اور مردوں کی اکثریت اسے غیرفعال خیال کرتی ہے۔جبکہ یہ جو غیرت و عزت کے کھوکھلے معیارات ہیں ان کے پیچھے مردبالادستی کے تصورات ہی غالب ہیں ۔زری اشرف مبارکباد کی مستحق ہیں جنھوں نے اتنی بے باکی اور جرآت کے ساتھ اظہار خیال کیا۔

    Reply
    • 29/07/2016 at 7:28 صبح
      Permalink

      بہت شکرگزار ہون

      Reply
      • 29/07/2016 at 7:29 صبح
        Permalink

        بہت شکرگزار ہون اپکی

        Reply
  • 29/07/2016 at 4:12 صبح
    Permalink

    Bht khooob
    Ma’m bht asha topic discuss kia hai.
    Aaaala hai alfaz ka chanaooo b.
    Pehly b apka aik column aya tha
    Qandeele mrti rhain gi

    Reply
    • 29/07/2016 at 3:10 شام
      Permalink

      بہت شکرگزار ہون اپکی

      Reply
  • 03/08/2016 at 5:41 شام
    Permalink

    بہت اچھی تحریر ہے ڈاکٹر صاحبہ۔ اللہ کرے زورِ قلم اور زیادہ

    Reply
    • 05/08/2016 at 4:35 شام
      Permalink

      بہت شکرگزار ہون اپکی

      Reply

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: