Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

ملاوٹ شدہ دودھ

Print Friendly, PDF & Email

کہتے ہیں کہ ایک امیر شخص نے اپنے ایک نوکر کو اس کام پر مامور کر رکھا تھا کہ وہ روزانہ رات کو سونے سے پہلے اسے باڑے سے خالص دودھ لا کر پہنچایا کرے، ایک عرصے تک یہ سلسلہ شفافیت کے ساتھ جاری رہا مگر ایک دن مالک کو یہ شک ہوا کہ نوکر دودھ میں ملاوٹ کرنے لگا ہے۔ اس نے ایک اور نوکر کو اس کام پر مامور کردیا کہ وہ دودھ پہنچانے والے نوکر کی باڑے سے لے کر مالک تک پہنچانے تک ہر مرحلے کی نگرانی کرے۔

دوسرے نوکر کی تعیناتی کے بعد دودھ خالص ملنے لگا مگر کچھ روز بعد پھر وہی ملاوٹ شدہ دودھ! استفسار پر نگرانی کرنے والے نوکر نے جواب دیا کہ "جناب آج کل بھینس دودھ ایسا ہی دے رہی ہے”۔ مالک جواب سے مطمئن نہ ہوا اس نے ایک اور نوکر تعینات کیا جو ان دونوں نوکروں کی نگرانی کرے، مگر اس کے نتیجے میں دودھ پہلے سے زیادہ ملاوٹ شدہ ملنے لگا، اور مالک کے استفسار کرنے پر تینوں نوکروں کا ایک ہی جواب ہوتا ہے کہ آج کل بھینس دودھ ہی ایسا دے رہی ہے۔

اُدھر وہ ایک نوکر جو مالک کے دودھ میں سے اپنا ایک حصہ نکال کر بقیہ پانی ملا کر مقدار برابر کردیتا تھا اب اسے باقی دو نوکروں کے لئے بھی دودھ نکال کر زیادہ پانی ملانا پڑتا جس کی وجہ سے دودھ کا معیار پہلے سے زیادہ خراب ہوچکا تھا جبکہ مالک تین نوکروں کے ایک ہی بیان کے آگے سر تسلیم خم کرکے ملاوٹ شدہ دودھ کو یہ سمجھ کر خاموشی سے پینے لگا کہ "آج کل بھینس دودھ ہی ایسا دے رہی ہے”۔

یہ بھی پڑھئے:   میٹر میں ہاتھ ڈالا، بجلی چلی گئی

پاکستان کے ایسے ادارے جنہیں دیگر اداروں پر نظرثانی اور نگرانی پر مامور کیا گیا ان میں بیشتر ایسے ہیں جو کرپشن میں اپنا حصہ جوڑ کر کرپٹ اہلکاروں کے لئے شفافیت کی سند جاری کرتے ہیں جس سے سائل کے لئے فریاد کے تمام دروازے بند ہوجاتے ہیں۔
نئی حکومت کا کرپشن کیخلاف واشگاف اعلان خوش آئند ہے مگر یہاں میں گذارش کرنا چاہوں گا کہ پہلے ان اداروں کی کرپشن ختم کی جائے جو دیگر اداروں کی نگرانی پر مامور ہیں، ساتھ ساتھ یہ بھی ایک بہترین عمل ہوگا اگر وزیرِ اعظم صاحب بذاتِ خود اس سارے پراسس کی نگرانی کریں۔ امید ہے کہ آنے والے دنوں میں ہمیں کرپشن سے پاک پاکستان دیکھنے کو نصیب ہوگا۔

Views All Time
Views All Time
231
Views Today
Views Today
2

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: