Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

صافی سے خون صاف (حاشیے) | مصلوب واسطی

Print Friendly, PDF & Email

بچپن میں ٹیلیویژن پر اکثر ایک اشتہار دیکھا جس میں صافی نامی شے سے کچھ اس طرح  کا دعوی کیا جاتا تھا؛

صافی سے خون صاف، چہرہ شاداب

اس زمانے میں تو باوجود کوشش کبھی اس کا مطلب سمجھ نہ آیا اور پھر ہم بھول بھال گئے۔ وجہ شاید یہ رہی کہ اشتہار  بند ہو چکا تھا اور اس وقت چینل بھی ایک ہی ہوتا تھا پی ٹی وی۔ وقت گذرتا رہا اور  کئی نجی چینل میدان میں آ گئے۔ ایک دن معلوم ہوا کہ صافی کی ٹی وی پر واپسی ہو گئی ہے، اپنے آزمودہ تجارتی نعرے  کے ساتھ۔ بس ایک فرق ہے، اس بار صافی نے صرف کہا نہیں بلکہ ناظرین کو واقعی خون صاف کر کے دکھایا، بے گناہوں کے لہو میں بھیگے قاتلوں کے ہاتھوں سے، ہتھیاروں سے، دامن سے، چہرے سے ۔ ۔ ۔کبھی کابل کے افغانوں کا خون،کبھی کوئٹہ کے ہزاروں کا، کبھی داتا کے لاہوری دیوانوں کا تو کبھی سیہون کے مانڑو ملنگوں کا۔ لیکن سننے میں آیا کہ اتنی محنت پر بھی فروخت اچھی تھی نہ قیمت صحیح وصول ہوئی۔پھر ایک دن صافی کی جانب سے وہ مشکل کام کرنے کا اعلان آیا جو کسی سے نہ ہوسکا تھا۔ صافی نے اس بار نہ صرف خون صاف کیا بلکہ قاتل کا چہرہ بھی شاداب تھا ۔ ۔ ۔ جانے کیوں ہمیں ایسا لگا کہ سکول کے معصوم بچے اپنے لہو کی موجوں میں ڈوب رہے ہیں اور قاتل کنارے کھڑا ہذیانی انداز میں گا رہا ہے ۔ ۔ ۔ صافی سے خون صاف ہاہاہاہاہا خون صاف ہاہاہا خون صاف

Views All Time
Views All Time
1000
Views Today
Views Today
1
mm

مصلوب واسطی

مصلوب واسطی انجینئرنگ کے شعبہ سے وابستہ ہیں، بحیثیت بلاگر معاشرتی ناہمواریوں اور رویوں کے ناقد ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: